A Xunta acada os obxectivos fixados en I+D+i a metade da data prevista para o plan

O futuro pasa pola secuencia I+D+i, por ese motivo a Xunta deseñou un plan que abranguía entre 2006 e 2010 e tiña por nome INCITE. No punto medio de execución dese plan, o conselleiro de Innovación e Industria, Fernando Blanco, fixo unha xornada de presentación das liñas de axuda relativas a este ano. En total, nove programas pretenden dinamizar o sector empresarial para acadar a converxencia con Europa no eido tecnolóxico. A Xunta destinará este ano un total de 110 millóns de euros, un 131% máis que en 2005.