A Axencia Audiovisual Galega e o Festival Internacional de Cine Euro-Árabe Amal xuntaron os seus esforzos para poder achegar ao público galego o cine árabe. Un acordo que ten lugar en dúas frontes: unha cun ciclo de cine que fai parte do programa Cinemas dixitais, que achega producións audiovisuais aos concellos; a outra a través da Televisión de Galicia que emitirá as películas que se viron na última edición do Festival de Cine Amal en versión original subtitulada.
