A comparecencia da Conselleira de Cultura, Ánxela Bugallo, no Parlamento por petición propia, serviu para explicar os plans de proxección exterior que o seu departamento ten para a industria cultural galega. Así, indicou que, alén da Feira do Libro da Habana, no campo editorial o país participa nas feiras de Frankfurt, Boloña e Guadalajara. Pola banda da música, as citas anuais son o Popkomm de Berlín, o Womex de Sevilla e o Midem de Cannes. A Bienal de Venecia centra a difusión das artes plásticas e os salóns de Angoulême e Barcelona son as citas no campo da banda deseñada.
