Abe Rábade reivindica a actualidade de Rosalía en chave de jazz

Desde hoxe estará nas tendas o disco “Rosalía 21” (Falcatruada) saído do espectáculo multimedia co mesmo nome que se presentou no Teatro Mella da La Habana o pasado 23 de febreiro. O espectáculo, dirixido musicalmente por Abe Rábade e literariamente polo poeta Anxo Angueira, proporciona unha visión contemporánea da poesía de Rosalía de Castro (1837 – 1885). O disco conta con dez temas con textos da poeta compostelá e un corte extra cun fragmento do prólogo de Cantares Gallegos. A declamación dalgunhas das obras de Rosalía na voz de Angueira vaise mesturando coa música en chave de jazz composta por Rábade e a poesía cantada por Guadi Galego. O proxecto procura “unha renovación estética da temática rosaliana adaptada aos novos tempos:melodía, timbre, harmonía e ritmo.” No disco participan Abe Rábade (piano e composición), Anxo Angueira (voz recitada), Guadi Galego (voz), Jesús Santandreu (saxo tenor), Nelson Cascais (contrabaixo) y Bruno Pedroso (batería).