O veleiro Íbero percorrerá a costa galega e irá captando no seu camiño os sons que se transmiten baixo as nosas augas. Con estes datos elaborarase o primeiro mapa submariño completo do noso país, nun proxecto que desenvolve a Obra Social “La Caixa”, en colaboración coa Coordinadora Galega de Mamíferos Mariños. Este colectivo xa elaborara, co apoio da Fundación Barrié, un primeiro mapa acústico das rías de Vigo e de Pontevedra. Segundo aseguran, este novo proxecto achegará un coñecemento máis exhaustivo dos nosos fondos mariños e permitirá comparar os seus resultados cos datos anteriores.
