Galicia contará desde hoxe cun novo museo co mar coma protagonista. Logo dun investimento que rolda os cinco millóns de euros, esta tarde inaugúrase en Ferrol Exponav, a exposición permanente centrada na construción naval que emprega o antigo edificio da FerrarÃas, no antigo arsenal. O novo centro, dirixido polo almirante e enxeñeiro naval José Castro Luaces, terá unha vocación didáctica e histórica e pretende ensinarlle ao público todo o referido á construción e ao funcionamento dun barco, desde como funciona unha hélice ata o comportamento dos cascos nas ondas.
