Esmelle é unha parroquia rural do municipio de Ferrol que desde hai anos desenvolve unha curiosa iniciativa de recuperación do seu patrimonio material, como muÃños ou lavadoiros. E o que comezou sendo unha iniciativa para salvar estas construcións, acabou por converterse nun proxecto de recuperación de oficios tradicionais. Un proxecto que xa le valeu un accésit dos premios Agader no 2005 e que agora pode suporlle outro da Organización de Nacións Unidas (ONU). De feito, son finalistas no sétimo Concurso Internacional de Boas Prácticas que concede este organismo internacional.
