Xerais inclúe dúas BDs de Emma Ríos en volumes de leitura para Educación Primaria

Os vindeiros libros de lectura para terceiro e cuarto de Educación Primaria Obrigatoria que está a facer Xerais incluirán un apartado específico sobre BD. Unha unidade das quince que compoñen cada volume está dedicada á novena arte, segundo explican desde a editorial. Deste xeito, cada apartado inclúe dúas tiras da revista “Golfiño” e dúas páxinas orixinais de Emma Ríos que narran unha breve historia. Unha explicación sobre a BD en Galicia e actividades de comprensión para os alumnos completan estas unidades.