Rutas naturais e aldeas preséntanse como propostas de ocio para esta primavera

Roteirríos`08 é o nome do proxecto de rutas que acaba de presentar a Asociación para a Defensa Ecolóxica de Galicia (ADEGA). A iniciativa, aberta á participación do público, propón percorrer áreas protexidas pola beira dos ríos Tambre, Parga-Ladra-Támoga e no Macizo Central ourensán. Por outra banda, esta fin de semana abre a ecoaldea de Xestas, en Porto do Son, e celebra unha xornada de portas abertas a coincidir co encontro ibérico da Rede de Permacultura. Para dentro de pouco, en Semana Santa, agárdase que abra as súas portas o proxecto de turismo rural de Couso, en Ourense, onde unha aldea completa foi recuperada para o ocio.