O suplemento “Metrópolis” do xornal “El Mundo” achega hoxe unha longa entrevista a Alberto Vázquez encol da súa última obra “Judas la ardilla católica”. Ao tempo chéganos a nova de “BDteca,” o blog que encol da banda deseñada abre o xornalista Rubén Santamarta en La Voz de Galicia. Pola banda das bibliotecas, a rede achéganos a mesa redonda que hoxe se celebra na Biblioteca González Garcés da Coruña coa presenza de Miguelanxo Prado, Santy Gutiérrez, Siro López, Xaquín Marín e Carlos López. A maiores, no blog das bibliotecas municipais da Coruña permítenos ver un video no que Iván Serrano introduce os bibliotecarios no mundo da BD dentro do encontro estatal destes profesionais.
