O Consello da Cultura e Galaxia publican unha escolma do xornalismo galego de opinión

“Xornalistas con opinión”, dous volumes publicados por Galaxia en colaboración coa Sección de Comunicación do Consello da Cultura Galega reúnen unha escolma do xornalismo de opinión galego desde comezos do século XIX. Textos e biografías de vinte autores coma Cunqueiro, Alfredo Brañas, Johán Carballeira, Luís Seoane, Emilia Pardo Bazán ou Concepción Arenal compoñen a obra, que amosa a evolución deste xénero nos últimos douscentos anos.