Diminúe o uso de nomes galegos con respecto á última década

Pablo, Hugo, Daniel Alejandro, Laura, Sara ou Paula son os nomes máis frecuentes no noso país. Son os datos do último estudo do Instituto Nacional de Estatística que revela que hai que ir ata o décimo posto para atopar un nome galego, Brais. Este mesmo estudo tamén dá a coñecer que a utilización de nomes propios autóctonos descendeu un 6% desde 1990 e que Galicia pasa a ocupar o último posto das nacionalidades históricas neste aspecto.