Manuel Sendón e Suárez Canal coordinan o proxecto “Madrid Mirada” que hoxe abre no Círculo de Belas Artes

Entre 1986 e o 2000 Vigo celebrou diferentes edicións da Fotobienal, un evento que converteu a fotografía no seu eixe principal. Manuel Sendón e Suárez Canal, os dous organizadores, incluían un ciclo chamado “Vigovisións” no que un artista fotografaba libremente a cidade. Esta filosofía é a que os dous especialistas manteñen para “Madrid Mirada” un proxecto no que 14 artistas latinoamericanos amosarán a súa visión (fotográfica, claro está) sobre a cidade. O proxecto verase no Círculo de Belas Artes mentres dure a Feira de Arte Contemporánea (ARCO) e logo itinerará por diferentes países iberoamericanos.