Teatro, cine e música conforman a programación cultural do Fórum Gastronomico de Santiago

“A cultura e a gastronomía van xuntas da man” anunciaba Xosé Manuel Iglesias, concelleiro de Promoción Económica na presentación da programación cultural que acompañará o Fórum Gastronómico de Santiago. “Son o aperitivo e os entrantes” engadía o concelleiro de Cultura, Néstor Rego. En todo caso, un ciclo de cine (que dura ata o vindeiro domingo), unha ultranoite temática arredor da alimentación na Sala Nasa e un espectáculo teatral a cargo de “Mofa e Befa” acompañarán este evento que xa ten máis de douscentos cociñeiros inscritos.