A arte animada centra a programación do MARCO para o primeiro semestre

O Museo de Arte Contemporánea de Vigo acaba de presentar a súa programación para o primeiro semestre. Un ciclo que terá nas mostras “Geopolíticas da animación”, que achega a historia da animación artística; “Paraísos indómitos”, unha ollada á natureza a través da obra de vinte artistas; e “Próspera”, o traballo de Carme Nogueira no que busca un contacto coa cultura chinesa. Canda a iso, a dimensión expositiva compleméntase con concertos, entre os que destaca o festival “Sinsal” e a programación didáctica para escolares.