O Centro Dramático quere achegar a programación ao público poñendo en marcha un bono

“Bono da cidadanía” a 38 euros. Esta é unha das novidades da programación do Salón Teatro para o primeiro semestre do ano. Un bono que permite a entrada a cinco espectáculos (dous deles as producións do Centro Dramático Galego), que garante mellores butacas e que é compatible coa reserva telefónica. No eido dos contidos, o teatro será o principal protagonista en canto a número de funcións. Ademais, as producións do CDG abriranse ao público para que poida coñecer de primeira man o seu proceso de creación e serán as encargadas de pechar o semestre. Na música, o Festival Sinsal volve recalar en Santiago coas súas experimentacións sonoras. A danza abre hoxe a programación con “Larandland”, a montaxe da compañía catalá “Mudances” que achegar por primeira vez a Galicia a súa visión rítmica do espazo.

Máis información no web do IGAEM e na nosa hemeroteca sobre o Salón Teatro