A familia Franco primeiro dixo que non había problema pero, á hora da verdade, impediu o acceso dos técnicos da Consellaría de Cultura ao Pazo de Meirás. Despois, alegou que apelaba á “inviolabilidade do domicilio” cando Cultura iniciou o trámite xudicial para poder comprobar o estado do pazo e o seu contorno. Pero a Sección 2 da Sala do Contencioso-Administrativo do Tribunal Superior de Xustiza de Galicia acaba de resolver que “o interese público prima sobre o privado” e permite o acceso, pendente aínda de se fechar unha data para a visita.
Máis información en El Correo Gallego, en El País, en La Voz de Galicia e na nosa hemeroteca