“Os feitos aos que se chegue a través da metodoloxía científica da historiografía non poden ser enxuizados polos tribunais de xustiza”, é a principal conclusión das xornadas “O dereito a saber, a liberdade de investigar. A represión franquista en Galicia”, que organizaron a Iniciativa Galega pola Memoria, o Consello da Memoria e Asociación pola Memoria Histórica do Grove, e que se celebraron nesta vila arousá entre o 19 e o 22 de setembro. Os historiadores do franquismo demandan tamén que se recoñeza por lei o dereito ao amparo xudicial “para cando estea en perigo algún tipo de proba que poida valer para reconstruír a memoria dese período histórico” e a “garantía para conservar o anonimato das fontes das que se obteñan datos”, entre outros. As xornadas estiveron motivadas polas últimas demandas xudiciais presentadas contra historiadores do período como Dionisio Pereira.
Descarga o documento de conclusións en PDF; sobre a demanda xudicial a Dionisio Pereira no noso buscador
