Fronteiras’07 indaga nos límites entre disciplinas artísticas e xeográficas

Serán dúas residencias artísticas de dez días de duración, celebrándose ao mesmo tempo na Illa de San Simón e en Nodar, unha pequena aldea rural do centro de Portugal, entre o 16 e o 27 de setembro. A idea é desenvolver proxectos artísticos durante ese tempo, “en articulación cos investigadores sociais, que durante o mesmo período levarán a cabo un observatorio crítico”, explorando a transdisciplinariedade na arte. A acción estará complementada con conferencias e exposicións nas localidades que acollen as residencias e cunha mostra colectiva dos traballos realizados. Fronteiras’07 está coorganizada polos colectivos artísticos alg-a.org (Galicia) e binaural.org (Portugal).

Máis información en Fronteiras’07