Os autores interesados en publicar as súas creacións co colectivo Polaqia teñen agora unha ocasión para o facer. Este grupo de creadores acaba de anunciar unha convocatoria pública pola que se amosan abertos a recibir todo tipo de traballos, tanto para publicar independentemente como para incluír no fanzine “Barsowia”. Os interesados teñen ata o 31 de outubro para enviar as súas propostas, preferente en branco e negro, e que deberán achegar unha parte do traballo acabada e un resumo do proxecto completo. As condicións para a edición acordaranse con cada autor, e está previsto que para o primeiro semestre de 2008 vexan a luz os primeiros traballos xurdidos desta proposta. Membros do colectivo falarán sobre estee outros proxectos o vindeiro domingo, ás 22 horas no programa “La caraba” de Radio Voz.
A convocatoria en PDF no web de Polaqia; web de La Caraba; ficha de Polaqia