Un dos autores da chamada literatura bravú e xornalista lugués, Santiago Jaureguizar, publicará tódolos venres un relato en Vieiros. A obra de Jaureguizar completarase coas aportacións dos lectores.
Tódolos venres, durante os vindeiros dous meses
O libro, titulado Familia Feliz, estará activo dende mañá pola mañán en Vieiros. A obra é interactiva: Jaureguizar escribe os relatos e os lectores poden incluir frases ou enlaces.
Un escritor con marcas bravas
Santiago Jaureguizar ten traballado na crítica musical e na narrativa. É autor dos libros de ficción Fridom Spik, Comendo espaguetis diante da televisión e A rutina corsaria. Identificado co movemento bravú, coproducíu o libro Rock Bravú de Xavier Valiño.
Os primeiros libros electrónicos
Non é a primeira vez que Vieiros acomete unha experiencia deste calibre. O portal foi o promotor do primeiro libro creado integramente na rede en Galicia, Por conto alleo, de Camilo Franco, no que o escritor tiña, por forza, que escribir relatos que contiveran dúas palabras suxeridas polos lectores.
