Unha das eivas que ten o sector cultural a día de hoxe é a falta de información fiable e rigorosa sobre as políticas públicas e a actividade dos sectores culturais. Unificar as fontes e homoxeneizar o seu tratamento é obxectivo do convenio que hoxe asinaron o presidente do Consello da Cultura Galega, Ramón Villares, a conselleira de Cultura, Ánxela Bugallo, e José Colino, director do Instituto Galego de Estatística. Unha fonte única que permitirá ao Consello da Cultura Galega, a través unha unidade especializada, elaborar informes anuais sobre o estado da cultura galega.
Máis información no web do Consello da Cultura, no da Consellería de Cultura e no do Instituto Galego de Estatística
