É aínda un proxecto pero non está exento de polémica. O Partido Popular arremeteu onte duramente contra a “Axencia Galega das Industrias Culturais”, un organismo presentado por cultura que pretende coordinar as actividades do goberno relativas a todos os sectores culturais. Entre as críticas dos populares está a de pretender mercantilizar e privatizar a política cultural, ademais de ser unha forma para evitar o control parlamentario e a legalidade das súas contas. O borrador da “Lei de Creación da Axencia” explica que o control externo da xestión económica corresponde ao Consello de Contas e o interno á Intervención Xeral da Comunidade. Por outra banda, a intención de Cultura é a de aprobar a lei este ano.
Máis información sobre as críticas ao proxecto en El Ideal Gallego e en La Voz de Galicia e sobre a creación de AGADIC na nosa hemeroteca
