O Museo das Mariñas, irmandiños e irmandades no norte

Son grandes focos da nosa cultura e agochan tesouros do noso pasado e presente por todo o noso país. Son os Museos de Galicia. Hainos de todos os tamaños e temáticas. Este verán, en culturagalega.org, todos os xoves, publicamos a serie "Museos de Galicia: a selección dos directores", onde poderás coñecer as cinco xoias máis representativas de oito museos galegos, seleccionadas e comentadas en audio polos seus responsables. Coñece virtualmente o mellor de cada museo nesta invitación directa a viaxar polo país e explorar o rico patrimonio que custodian os muros dos museos. Comezamos a nosa serie co Museos das Mariñas, en Betanzos, e as cinco pezas seleccionadas e comentadas por Alfredo Erias, o seu director.