"Hombre lobo y pajarito" é o título da proposta que acaba de autoeditarse Jaime Asensi. A aventura, segundo o autor "é unha historia de moitas páxinas", aínda sen fechar, e polo momento está a se distribuír o primeiro capítulo. O formato é un cómic-book en branco e negro de 24 páxinas que se poderá adquirir en librarías do noso país por catro euros. O autor ten previsto publicar un segundo volume desta serie, e non descara a posibilidade de continuala posteriormente. A historia está protagonizada por un lobishome vexetariano e un paxaro, e o autor adianta que van aparecendo outros personaxes fantásticos coma un vampiro ou un dragón. "É unha historia de aventuras e de amizade", resume Asensi.
Máis información, portada e páxinas da historia na ficha do autor; ficha da publicación
