MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / A Xunta achega 160.000 euros para a temporada lírica da Coruña

O Consello da Xunta aprobou onte a sinatura do convenio de colaboración entre a Axencia Galega das Industrias Culturais e a Asociación Amigos de la Ópera da Coruña, a través do que a Consellería de Cultura, Lingua e Xuventude contribuirá con 160.000 euros á organización da 72ª edición da temporada lírica da cidade herculina, 10.000 euros máis que o pasado ano. A achega económica da Xunta de Galicia a esta programación materializarase na posta en escena e nas actividades paralelas da ópera 'La Bohème', de Giacomo Puccini, que poderá verse a primeiros de setembro no Palacio da Ópera. Será un dos principais eixos da temporada lírica, que a organización está a preparar para 2024 e que, como en anos anteriores, ofrecerá numerosas citas musicais durante todo o outono.

Coa produción de 'La Bohème', Amigos de la Ópera renderá homenaxe ao gran compositor italiano no centenario do seu pasamento cunha das súas obras máis coñecidas, baixo a dirección musical de José Miguel Pérez-Sierra e a escénica de Danilo Coppola. Contará, ademais, cun elenco de primeiro nivel, entre o que se atopan, ademais, varios intérpretes galegos. Neste sentido, continúase afondando no papel da programación lírica coruñesa como plataforma para contribuír a unha maior proxección social do traballo de cantantes, compositores e músicos galegos no ámbito da lírica.