CORREO
RSS
Fecha o centenario obradoiro de gaitas García de Riobó
outubro 24, 2023
A xubilación de Joaquín Espiño o vindeiro mes de novembro levará ao feche do obradoiro de gaitas García de Riobó, na Estrada, considerado un dos máis antigos aínda en activo no noso país. A retirada de Espiño rematará cunha saga dedicada á fabricación de instrumentos, fundamentalmente gaitas e requintas, que a familia remonta a 1790.
A falta de relevo no seo da familia está detrás do feche deste espazo, que Espiño leva a xestionar desde hai 37 anos. O seu traballo valeulle recoñecementos como o do Memorial Ricardo Portela e recibirá un novo homenaxe no festival Lume na Lareira, que se celebra na Estrada o vindeiro 12 de novembro e no que soará a derradeira gaita saída do obradoiro. Ademais, a historia do obradoiro protagonizou o libro A requinta do Ulla de Rafael Carrecedo.