Ir ao contido directamente.


Ti estás aquí > Inicio / NOTICIA / A ópera Norma será o prato forte da 70ª Temporada Lírica da Coruña

O EVENTO ORGANIZADO POLA ASOCIACIóN AMIGOS DE LA ÓPERA DESENVOLVERASE MAIORITARIAMENTE NO TEATRO COLóN

A ópera Norma será o prato forte da 70ª Temporada Lírica da Coruña

CLáSICA/LíRICA | xuño 7, 2022

imaxe non dispoñible

O director da Axencia Galega das Industrias Culturais da Xunta, Jacobo Sutil, participou na Coruña na presentación da 70ª edición da Temporada Lírica da Asociación Amigos de la Ópera, que volve contar co apoio económico do Goberno galego a través dun convenio de colaboración dotado con 150.000 euros. A posta en escena da famosa ópera de Bellini, Norma, será un dos pratos fortes da programación deste ano, que entre setembro e decembro ofrecerá unha quincena de citas para os amantes do xénero lírico, entre recitais, galas e actividades formativas. Sutil enmarcou esta colaboración da Xunta no seu labor de promoción e fomento de moi diferentes ciclos, circuítos e eventos arredor da música como expresión artística universal e diversa.

A ópera de Bellini representarase no Teatro Colón os días 22 e 24 de setembro. . José Miguel Pérez Sierra asumirá a dirección desta obra, coa música da Orquestra Sinfónica de Galicia e as voces de Veronika Dzhioeva, Nicole Brandolina, Moisés Marín, Rubén Amoretti e o Coro Gaos. Ao longo destes catro meses dedicados á lírica, sucederanse en diferentes escenarios coruñeses outros destacados recitais, como o de Asmik Grigorian o 1 de setembro, as interpretacións en versión concerto de A forza do destino, de Verdi, o 3 de setembro e Ariodante, de Händel, o 9 de novembro, a gala de conmemoración do 70º aniversario o 10 de setembro ou o concerto de clausura co tenor Roberto Alagna o 7 de decembro. Ademais, a Asociación Amigos de la ópera ofrecerá un curso de canto a cargo de Mariella Devia, a experiencia lírica inclusiva ou os apartados reservados para a proxección dos intérpretes galegos, desta volta dedicados a Lorena Paz, Susana García e Luis Cansino.

Tamén che pode interesar: