Ir ao contido directamente.


Ti estás aquí > Inicio / NOTICIA / Comeza hoxe en Lugo o XXXº Festival de Jazz cun amplo cartel internacional

A CITA MUSICAL CELéBRASE OFRECENDO VARIOS PASES DUPLICADOS PARA AUMENTAR AS POSIBILIDADES DE ASISTENCIA

Comeza hoxe en Lugo o XXXº Festival de Jazz cun amplo cartel internacional

JAZZ/BLUES | novembro 5, 2020

imaxe non dispoñible

O festival de Jazz de Lugo chega ao trixésimo aniversario mantendo a súa cita e coas adaptacións que marca o actual contexto sanitario, que a día hoxe restrinxen a 30 persoas a capacidade dos espazos. Debido a isto algúns dos artistas duplicarán as súas actuacións para darlle cumprimento ás restricións e facilitar que os concertos cheguen ao maior número de persoas posible. A casa do Saber e o Círculo das Artes acollerán a maior parte do programa. O festival abre hoxe con dous concertos, Daniel García Trío na Casa do Saber ás 20,30 h., con entrada gratuíta previa reserva de localidades e ás 21,30 h. actuará The Old Project no Club Clavicémbalo, epicentro da actividade de jazz da cidade. Como é xa habitual a cita fai unha oferta selecta de artistas internacionais, o que posibilitará o paso polos escenarios de Lugo de artistas e formacións coma Salvador Sobral; o quinteto tributo a Charlie Parker, Jazz at The Massey Hall; Yamandú Costa; Jean Toussaint Quartet; Jezz Trío + Arnaud Desprez; a cantante albanesa suíza Elina Duni, acompañada de Rob Luft e Fred Thomas; Clarence Bekker Band ou Miryam Latrece Quartet, que pechará esta XXXª edición con dous concertos o día 15.

Jazz galego
O festival organizado desde a asociacion cultural Escobijazz de Lugo manterá tamén a súa tradicional presenza de valores do país, xa sexan nomes consolidados da escena do jazz en Galicia ou novas promesas. Así o cartel inclúe aos lucenses Minton´s Jazz, a David Regueiro Trío, Aló Django Quartet e o Roberto Nieva Quintet. O xoves 12 de novembro, pasarña polo escnario do Círculo os valores da nova xeración do jazz galego Pablo Castaño, Marcos Pin, Yago Vázquez, Paco Charlín e Max Gómez nun proxecto exclusivo para o XXX Festival de Jazz de Lugo: Sculptures In Music, e Lucía Rey presentará o seu primeiro traballo, Reflexión. A partires deste venres, os concertos previstos no Clube Clavicémbalo pasaranse á Casa do Saber polas restricións de peche de hostalería decretadas pola Xunta de Galicia.

Tamén che pode interesar: