MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / A música Cristina Pato ocupará a cátedra de Cultura Española da Universidade de Nova York

A Cátedra Juan Carlos I de Cultura e Civilización Española na Universidade de Nova York (NYU) será ocupada ao longo do vindeiro curso pola música e gaiteira galega Cristina Pato. Así o anunciaba o Centro Rei Juan Carlos I de España, reponsable deste posto que naceu en 1983 e que ocuparon anteriormente diferentes persoeiros "especialistas na historia, política, economía ou cultura de España", segundo explica o centro, como Juan Goytisolo, Claudio Guillén, Francisco Ayala, Estrella de Diego ou Antonio Muñoz Molina.

Pato, ao igual que os seus antecesores, coordinará un programa académico dun ano de duración e desenvolverá o seu propio traballo de investigación. En concreto, organizará e presentará unha serie de conferencias e eventos públicos ao longo do vindeiro outono combinados cunha clase multidisciplinar sobre as músicas invisibles do norte de España na primavera de 2020. A galega é a primeira responsable do posto que provén do mundo da música.