CORREO
RSS
Nace o Festival Internacional de Jazz de Bueu
xuño 6, 2018
O Concello Pontevedrés de Bueu une o seu nome ao dos circuítos de jazz coa presentación do que será o seu primeiro festival internacional deste xénero. A Asociación de Jazz de Bueu corre coa coidada organización do I Festival de Jazz de Bueu que se celebrará do 7 ao 10 de xuño en diversas localizacións da vila morracense. O evento consistirá en diversas actividades, cinco concertos, e dúas jam sessions con horarios que cubren as xornadas desde o mediodía ata a noite. A participación internacional será dun 11%, con músicos de tres nacionalidades, o baterista iraní Shayan Fathi, o baixista holandés Felix Barth e o saxofonista italiano Rosollino Marinello. Outro 11% son de diferentes comunidades da Península, dando especial protagonismo aos músicos galegos, que suporán o 78% dos participantes do festival con nomes que será cabezas do cartel como o guitarrista Virxilio da Silva presentando JUZZ, o novo proxecto musical que lidera. O saxofonista gaditano Antonio Lzina e o seu grupo son outro dos nomes destacados do cartel.
Tamén che pode interesar:
- 14/ 7/ 2014 | O Festival de Jazz de Pontevedra cumpre 22 anos
- 31/ 10/ 2012 | Ribadeo acolle o seu primeiro festival de jazz
- 8/ 5/ 2012 | Preséntase a primeira promoción de titulados de Jazz
- 2/ 5/ 2005 | Nace en Vigo un festival que dedicará quince días a encher de Jazz europeo Vigo
- 11/ 7/ 2003 | Dianne Rivees é o principal reclamo do XI Festival de Jazz de Pontevedra