CORREO
RSS
Música para María Victoria Moreno
maio 4, 2018
A Illa de Arousa acolle este 5 de maio a estrea de Ao latexo das letras, a homenaxe poético-musical a María Victoria Moreno que parte de Óscar Ibáñez. O gaiteira e mais a súa banda Tribo colaboran coa poeta Tamara Andrés nun espectáculo no que os sons tradicionais se mesturan co recitado de textos da autora homenaxeada no Día das Letras Galegas. A xira continuará o vindeiro día 13 por Melide, o 16 na Estrada, o día 18 poderá verse en Lisboa e o 19 en Ponte da Lima. A xira conta co apoio da Axencia Galega das Industrias Culturais.
Non é esta a única achega da música de raíz as conmemoracións do 17 de maio. Fuxan os Ventos daban a coñecer onte Lúa de prata, un tema no que o conxunto musica o poema do mesmo título da autora. A canción, dispoñible en dixital en diferentes plataformas continúa o costume do grupo de homenaxear cada ano os autores que se celebran no Día das Letras. O tema conta coas colaboracións de Roi Adrio (percusións), Simón García (contrabaixo), Adrián Valdés (fagot) e Miguel Díaz (clarinete).