CORREO
RSS
Víctor Aneiros cambia de ritmo e idioma no seu oitavo álbum
novembro 20, 2017
O guitarrista e compositor ferrolán Víctor Aneiros lanza ao mercado o seu último álbum, oitavo da súa carreira, baixo o título de Un extraño entre la multitud. O proxecto mostra unha nova faceta do artista que decidiu cambiar a melancolía blusera, por ritmos roqueiros máis dinámicos e a lingua galega, que caracterizaba ata o de agora as súas letras, polo castelán. Potentes riffs e punteos de guitarra de indiscutible calidade, como nos ten afeito Aneiros, caracterizan a volta do músico, que contou nesta ocasión coa colaboración do produtor Segundo Grandío.
Con Un extraño entre la multitud Víctor pretende deixar atrás a melancolía blues dos seus anteriores traballos e crear algo novo empregando, por primeira vez en moitos anos a lingua castelá como vehículo condutor das súas sensibilidades. Neste álbum o artista reflexiona sobre o paso do tempo ao seu redor e aborda temas presentes no día a día actual, como o da falsa realidade imperante nas redes sociais, e dedica tamén un dos temas deste proxecto á crise dos refuxiados. O primeiro tema de lanzamento do disco, Ciudad Olvido, está dedicado á súa cidade e foi presentado no mes de xuño a través de Youtube, nel Aneiros repasa a historia máis recente do panorama naval de Ferrol.
O vindeiro 1 de decembro o mùsico estará defendendo o seu novo disco en directo no Forúm Celticum de O Burgo (A Coruña). Seguirán concertos na Sala Capitol de Santiago o 15 de decembro e na Pousada das Änimas de Boiro o 22 de decembro.
Tamén che pode interesar:
- 15/ 11/ 2023 | Martins Aneiros Band debuta con Rain
- 30/ 6/ 2014 | Víctor Aneiros amósase máis acústico que nunca no seu novo traballo
- 17/ 4/ 2012 | Víctor Aneiros Band e Julie Guravich lanzan un disco conxunto
- 5/ 5/ 2010 | O quinto disco de Víctor Aneiros espreme o blues da poesía de Ramiro Fonte
- 21/ 2/ 2008 | Volve o blues en galego no novo disco de Víctor Aneiros