CORREO
RSS
Ti estás aquí > Inicio / DISCO / O Val das Mouras pon música á Rosalía máis reivindicativa en 'A Xustiza pola man'
O Val das Mouras pon música á Rosalía máis reivindicativa en 'A Xustiza pola man'
novembro 7, 2017
O quinteto de L'Hospitalet de Llobregat con raíces galegas O Val das Mouras ven de presentar o seu segundo disco de estudio A xustiza pola man (la Cúpula Music) no que recuncan na obra de Rosalía de Castro, cousa que xa fixeran no seu anterior e primeiro disco Rosalía (Cases de la Música, 2015). O Val das Mouras é una formación de pop celta formada por cinco artistas e cunha proposta baseada sobre textos da poeta Rosalía de Castro. En A xustiza pola man o grupo escolle aqueles textos da autora sobre abusos do poder, inxustiza social, a explotación ou a emigración. Voz, frauta, guitarra, violoncello e percusión son as súas bases propias pero no disco engádense ademais gaitas, instrumentos da tradición galega, acordeón e teclados. Nos once temas deste traballo achegan diferentes ritmos. Xota, muiñeira, pop ou ska mestúranse coa súa evidente referencia folk. O disco xa pode escoitarse en Spotify e a distribución está dispoñible en outras plataformas dixitais.