MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / A Rede de Música ao Vivo ofertará menos actuacións neste semestre

Case un terzo menos actuacións que no pasado ano, 87 fronte a 126, e unha diminución do orzamento (44.600 euros, fronte a 57.034) marcan o programa da Rede Galega de Música ao Vivo para o primeiro semestre deste 2017. A Axencia Galega das Industrias Culturais (AGADIC) presentaba onte este programa, que contará de 84 concertos e tres monólogo e chegará a unha trintena de salas de dezanove localidades do país. Entre os nomes que actuarán no marco desta iniciativa atópanse The Lákazans, que suman seis recitais, Villanueva con cinco e Igloo e Ivy Moon con catro cada un. Canda a eles, poderán verse concertos de Adrián Costa, Aló Djangó, Andhrea & The Black Cats, Banda Crebinsky, Brigada Bravo & Díaz, Clave de Fado, Dakidarría, Eladio y los Seres Queridos, Faltriqueira, Far Away Place, Ith, Maryland, MJ Pérez, Piña, Por Placer, Secho y los Invisibles, Sinestesia, Sonia Lebedynski, Sumrrá, The Llolipops, Tincho Fernán, Tonichi y Pacheco, Tractor Troy, Helena Goch, The Lines e Frankie Chávez. A oferta complétase cos monólogos de Alberte Montes e Padre Merino. A iniciativa desenvólvese en colaboración coa Asociación Galega de Salas de Música ao Vivo Clubtura.