CORREO
RSS
Fanfarria Taquikardia convida ao Café Bar Sovia
marzo 31, 2016
Logo de se facer coñecidos nas redes sociais polo vídeo no que se lle vía acompañar unha procesión cun himno anarquista, a Fanfarria Taquikardia presenta o seu segundo traballo discográfico. O conxunto de Candeán amosa en Café Bar Sovia que continúa a súa preferencia polos ritmos balcánicos e os sons festeiros que teñen levado por múltiples eventos dentro e fóra do noso país. A formación está composta por Isman Bass (baixo) Berto Cuchi (caixa pratos) Carlos Carlitos (bombo sen prato) Alejandro Chiru (Trombón) Petete (trompa) Garzón (trompa) Nico Ricón (saxo tenor) Lucas (saxo tenor) Rubén Chino (saxo alto) Candi (trompeta) Chus Potro da Madroa (Clarinete) e Harrinho (violín), e acaba de regresar dunha xira de presentación deste seu último traballo que os levou por Madrid, Barcelona, Valencia e o Bierzo.