CORREO
RSS
A Mesa homenaxea a Manuel María cun Libro-CD
febreiro 25, 2016
A se sumar ás celebracións do Día das Letras dedicado a Manuel María, A Mesa pola Normalización Lingüística presentaba onte A voz do ventro. Este libro-CD reúne poemas do autor chairego con versións musicadas por Fran Amil e a tribo incomprensíbel e mais ilustracións de Jano. O proxecto recolle once composicións dos poemarios Terra Chá, Proba documental, Aldraxe contra a xistra, Cantos rodados para alleados e colonizados, Versos do lume e o vagalume, A luz resucitada, As lúcidas lúas do outono e Sonetos á casa de Hortas, e conta cunha banda composta por Aarón Bouzón, Álex Bardanca, Fran Amil, Paco Cerdeira e Ricardo Casás. Canda a eles, no disco colaboraron as voces de Jasper, Paula Romero, Antón Díaz, Xurxo Souto, Belén Tajes, O Leo, M. J. Pérez e Xosé Antón Bocixa.