CORREO
RSS
Ti estás aquí > Inicio / / Cinco bandas pasan á final do FestiGal
Cinco bandas pasan á final do FestiGal
maio 4, 2015
O I Concurso de Novos Valores FestiGal 2015 xa ten finalistas a cinco bandas no que os seus vídeos obtiveron maior número de compartidas a través da páxina de Facebook do festival. As formacións musicais Seisporoito, Maianas, Panghea, Coso Carnóbrigo e Miguel Alonso, pasarán á final e o grupo gañador decidirase a través dun xurado conformado pola comisión organizadora do evento.
A banda gañadora actuará no palco de concertos da vindeira edición do FestiGal, na noite do 24 de xullo de 2015, e recibirá unha dotación económica de 300 euros.
O FestiGal é unha referencia das novas tendencias e camiños da música galega e nesta edición estivo presente unha ampla representación de estilos que pasaron polo folk, pop, música de autor, death metal melódico, rap, pop-rock, festa, comedia e música de cámara, entre outros.
O I Concurso de Novos Valores FestiGal 2015 pretende servir de plataforma de difusión de música en galego e vén de recibir a distinción como mellor festival galego nos Premios Martín Códax.