Ir ao contido directamente.


Ti estás aquí > Inicio / NOTICIA / Davide Salvado, Uxía e Germán Díaz representarán a Galicia no WOMEX 14

A XX EDICIóN DA FEIRA MUSICAL CELEBRARASE EN COMPOSTELA DO 22 AO 26 DE OUTUBRO

Davide Salvado, Uxía e Germán Díaz representarán a Galicia no WOMEX 14

MISCELáNEA | xullo 29, 2014

imaxe non dispoñible

A Cidade da Cultura acollía esta mañá a presentación do programa do WOMEX 14, que se celebrará en Compostela entre os vindeiros 22 e 24 de outubro. O xurado internacional de expertos seleccionou para representar o noso país neste evento a Davide Salvado, que actuará no escenario da selección oficial, a Uxía e mais ao zanfonista Germán Díaz, que presentarán os seus traballos no escenario local Atlantic Connections. Canda aos galegos, as músicas da Penínula estarán representadas no encontro por Raúl Rodríguez e Lula Pena na selección oficial e por Korrontzi e Custódio Castelo no Atlantic Connections.

Canda a eles, o encontro contará coa presenza de 2.500 profesionais de todo o mundo, entre eles 800 programadores e máis de 300 xornalistas, e prevé a celebración dun total de 60 concertos en diferentes escenarios de Compostela. O conselleiro de Educación e Cultura, Jesús Vázquez, apuntou na presentación do programa que o evento suporá un impacto económico dun 2,5 millóns de euros na economía do noso país.

Segundo informa a organización do encontro, na sección oficial, ademais dos xa mencionados, están artistas de máis de 30 países: Batida (Angola/Portugal), Driss El Maloumi Trio (Marrocos), Ed Motta (Brasil), El Gusto Orchestra (Alxeria/Francia), Guayo Cedeño & Coco Bar (Honduras), Maarja Nuut (Estonia), Madeeh (Malasia), Maru Tarang (India/Australia), Mayito Rivera & The Sons of Cuba (Cuba), Sékouba Bambino (Guinea-Conakry/France), Orkesta Mendoza (USA), Spiro (UK), Paolo Angeli (Italia), Ajinai (China), Baloji (Congo/Bélxica), Bostich (México), Cesaria Évora Orchestra (Cabo Verde), Džambo Aguševi Orchestra (Macedonia), Ester Rada (Israel), Ethiocolor (Etiopía), Frank Yamma (Australia), Ilkka Heinonen Trio (Finlandia), Cuenta i Tambu (Curaçao/Holanda), Noreum Machi (Corea do Sur), Otava Yo (Rusia), Oum (Marrocos/Francia), Söndörgő (Hungría), Tribu Baharú (Colombia) e Troker (México).

Tamén che pode interesar: