CORREO
RSS
O Vía Stellae acollerá 23 concertos na súa novena edición
xuño 4, 2014
O director-xerente do Auditorio de Galicia, José Víctor Carou, e o secretario xeral de Cultura da Xunta de Galicia, Anxo Lorenzo, presentaban esta mañá en Compostela o programa da novena edición do Vía Estellae. O ciclo de música contará nesta xeira cun total de 23 concertos que se desenvolverán en igrexas e espazos monumentais e singulares da capital galega. Coa música barroca e antiga como un dos seus eixes, o evento contará coa presenza de artistas como a orquestra barroca belga Il Fondamento, os violinistas Fabio Biondi, Sergey Malov e Amandine Beyer, ou a soprano italiana Roberta Invernizzi. Pola súa banda os contratenores Xavier Sábata e José Hernández Pastor achegarán cadanseu recital operístico, mentres que os grupos galegos Vox Stellae e Resonet desenvolverán senllas actuacións centradas na figura de San Francisco de Asís. A Real Filharmonía de Galicia, con dirección de Iván Martín e de Maximino Zumalave tamén participa no programa. Finalmente, a sección OFF#Stellae estará centrada esta volta na percusión.
Tamén che pode interesar:
- 28/ 5/ 2015 | O Vía Stellae achegará 19 concertos a Compostela
- 25/ 6/ 2012 | O festival Via Stellae volta con vinte concertos
- 3/ 2/ 2009 | O Vía Stellae celebrará unha edición de transición cos ollos postos no Ano Xacobeo
- 12/ 4/ 2007 | O festival de música “Via stellae” chega á segunda edición duplicando o número de concertos
- 2/ 6/ 2006 | O Xacobeo presenta os 43 concertos “Vía Stellae”, o festival que substitúe ao Festival de Música de Galicia