CORREO
RSS
A OBRA PODE VERSE ATA O VINDEIRO 2 DE MARZO NA ZONA C DE COMPOSTELA
Mónica de Nut e Borja Fernández reconstrúen a Barbazul
febreiro 25, 2014
Logo da estrea o pasado día 20, aínda fican catro oportunidades máis para ver Barbazul. Unha sabotaxe amorosa, a nova montaxe de Mónica de Nut e Borja Fernández, na compostelá Zona C. Entre o xoves 27 de febreiro e o domingo 2 de marzo, o espazo acolle a reinterpretación que os dous artistas realizan do conto clásico na forma dunha opereta para soprano e clown. O libreto de Bela Bálasz para unha ópera de Bartok sérvelles de base aos dos creadores para presentar un espectáculo no que reivindican "o romántico, os dobles sentidos, as metáforas e todo iso que nos aparta desta realidade, asimesmo, tamén falsa, que nos queren vender".