CORREO
RSS
Ti estás aquí > Inicio / / O CGAC afianza a súa relación coa música cun encontro sobre composición
O CGAC afianza a súa relación coa música cun encontro sobre composición
novembro 22, 2012
Ensaios abertos, conferencias, concertos e intervencións musicais para falar da composición a día de hoxe. Con estes ingredientes preséntase ao público cAuSaL. I Encontro internacional de composición, unha cita que coorganizan varias entidades como a USC (no ciclo Música e Arte) a consellería de Cultura, Educación e Ordenacion Universataria e Vertixe Sonora Ensemble. A cita terá lugar no CGAC que non só será espazo físico das actividades, senón que a súa exposición O agora xa foi e o denantes será de Fernando Casás servirá de inspiración para as pezas musicais que se intepreten no concerto de clausura.
Esaias Järnegard (Suecia), Alexander Khubeev (Rusia), Matthias Kranebitter (Austria) e Simone Movio (Italia) ou o pontevedrés Jacobo Gaspar, so algúns dos compositores que asisten ao encontro que arrinca mañá. Unha cita que terá lugar a súa parte maís teórica para venres e sábado, reservando o domingo para os ensaios abertos ao público no CGAC de Vertixe Sonora Ensembre. Ensaiarán efémero, obra que estrearán o martes, no marco do concerto conformado por obras dos compositores participantes: Härd, de Esaias Järnegard; Denudationen 1-118, de Matthias Kranebitter; Incanto III, de Simone Bovio; Sombras de inverno, de Jacobo gaspar; e eARTh, de Alexander Khubeev. Todas estas pezas gardan relación directa coa antolóxica de Casás que se pode ver no edificio