CORREO
RSS
Ti estás aquí > Inicio / / Xuventude dá a coñecer novos gañadores dos premios Xuventude Crea
Xuventude dá a coñecer novos gañadores dos premios Xuventude Crea
novembro 22, 2010
Aínda pendentes dalgunhas categorías sen resolver, están a se coñecer estes días os gañadores dos premios Xuventude Crea 2010. En concreto, na categoría de relato impúxose Enrique Bernárdez Reigosa coa obra Xetréceme, mentre en poesía o vencedor foi Gonzalo Hermo González, con Crac. En música, pola súa banda, Miguel Alonso Fernández levou o primeiro premio quedando como finalistas Projecto Trepia e Aid. Sofía Grandío levou o primeiro premio na categoría de videocreación con …de tripas corazón e María Pena gañou o concurso de carteis por Cambiar o principio. O premio de banda deseñada, que xa se resolvera con anterioridade, foi para José Domingo.