CORREO
RSS
Ti estás aquí > Inicio / NOTICIA / Cultura anuncia un plan integral para a música gravada e en directo
Cultura anuncia un plan integral para a música gravada e en directo
novembro 13, 2008
Ninguén dubida do importante papel que desenvolve a música para unha cultura. Nin que alén do papel cultural, é un sector de negocio. Estas dúas facetas están combinadas no Primeiro Plan Galego da Industria Musical que a Axencia Galega das Industrias Culturais (Agadic) desenvolverá a partir do vindeiro ano. É un documento que fixa a política a seguir para este sector no que atende á creación, produción, distribución e visibilidade da industria musical galega. O plan atende tanto á música gravada como a da música en directo. Así o explicou a conselleira de Cultura no Parlamento, ao tempo que anunciou que o procedemento a seguir para e elaboración do Plan é semellante ao do teatro, baseado na participación dos membros do sector.