CORREO
RSS
Ti estás aquí > Inicio / DISCO / Os coruñeses Grasa presentan na Fnac a súa primeira maqueta e videoclip
Os coruñeses Grasa presentan na Fnac a súa primeira maqueta e videoclip
setembro 6, 2007
O sexteto Grasa, formado hai dous anos con antigos compoñentes de outras bandas coruñesas como Enkueros e Peyotex, presenta hoxe nas instalacións da tenda Fnac da Coruña a súa primeira maqueta autoproducida gravada a principios deste ano. O grupo presenta tamén o seu videoclip “Karthikeyan” no que se mesturan imaxes de animación con imaxe real . O concerto, ás 19,30 horas, servirá para coñecer mellor os temas deste traballo e ver o vídeo producido por eles mesmos. Grasa está formado por Tereza Filgueiras, Diego Díaz, Manuel Seoane, Ricardo Costa, Rafael Hermo e Antonio de la Prieta. O grupo actuará o vindeiro 6 de outubro no Café Cultural Auriense da cidade das Burgas.
Máis información en El Ideal Gallego