Ilustrador formado na vangardista escola valenciana dos oitenta, destacou na serie Opium (1989), iniciativa dirixida por Daniel Torres que foi pioneira na adaptación do modelo de traballo en equipo ao cómic español. A finais dos oitenta fixo a serie Los Sucesores na revista Cairo, con guións de Hugo León, e a primeiros dos noventa realizou El ojo de la serpiente na revista Cimoc, a partir de guións de Cristóbal Aguilar. A pesar de aínda estar afincado en Valencia, retomaría vencello con Galicia xa a finais da década seguinte, en 2009, ao iniciar a súa propia trama (Silvana) na revista Galimatías. Máis información sobre o autor na páxina 780 (tomo II) do Atlas Español de la Cultura Popular. De la historieta y su uso, 1873-2000 de Jesús Cuadrado.

---

---