Os tres grupos parlamentarios aprobaron onte unha proposición non de lei para reclamar a pronta aplicación do Plan Xeral de Normalización. Os topónimos, o apoio ás comunidades galegofalantes no exterior e as medidas nos concellos e nas deputacións foron algunhas das cuestións máis destacadas. Ao tempo, os responsables de política lingüística de Cataluña, Euskadi e Galicia reuníronse onte con representantes do Ministerio de Administracións Públicas. No encontro, os responsables autonómicos entregáronlles aos ministeriais a súa proposta de Protocolo de Colaboración en materia lingüística, texto no que reclaman o emprego normalizado das respectivas linguas cooficiais na Administración e nas cortes.
Máis información en El Correo Gallego e en Galicia Hoxe
