Hoxe, 8 de marzo, conmemórase o Día Internacional da Muller. Para festexalo a axenda de políticos e colectivos cívicos está chea de actividades de todos os tipos. A Xunta presenta o V Plan de Igualdade para mulleres e traballadores que implicará transversalmente a todas as consellarías e estará en vigor ata 2010. A Marcha Mundial das Mulleres convocou unha manifestación baixo o lema Compartir ou discriminar que arrincará as 20:00 horas en Vigo. O Concello de Mos convoca un premio de investigación sobre a muller, e os de Caldas e Cuntis entregan galardóns a escolares polos seus debuxos e traballos de investigación sobre a igualdade de xénero.
Consulta a declaración institucional no web da Xunta; máis información no web da Marcha Mundial das Mulleres en Galicia, en El Correo Gallego, El País, na sección No escáner de Vieiros e o noso especial no Álbum de mulleres