A xa anunciada Comisión Interdepartamental para lograr a normalización do galego na Xunta de Galicia comezaba o pasado luns a súa andaina coa intención de aplicar as propostas do Plan Xeral de Normalización neste ámbito. O propio presidente Touriño recoñeceu, nesta xornada inaugural, que as propostas que ata o momento se desenvolveron neste sentido acadaron "só de forma moi tanxencial e fragmentarias os seus obxectivos". A intención final deste novo órgano é "eliminar calquera traba" que os cidadáns poidan atopar para se relacionar en galego coa Administración.
Máis información no web da Xunta, en La Voz de Galicia e en Galicia Hoxe
