A Xunta achegará unha escolma da cultura galega á Feira do Libro da Habana

Hoxe comeza a Feira do Libro da Habana, un punto de encontro do sector editorial latinoamericano. A literatura galega estará representada nunha caseta organizada pola Consellaría de Cultura que pretende ofrecer unha mostra dos traballos editoriais do país. Anxos Sumai será a primeira en intervir nun encontro sobre a literatura galega na rede, seguida de Olga Nogueira, que falará do “Son da música galega: 1994-2004”. A danza de Branca Novoneyra e os contos de Quico Cadaval completan o programa de actos que se sucederán ata o vindeiro día 17.

Máis información no web da Consellaría de Cultura